რატი იონათამიშვილი - ვინც დღეს ბოიკოტი გამოუცხადა არა პარლამენტს, არამედ 12 რეკომენდაციის შესრულებას, მათ მიერ საუკუნის „აფიორასთან“ გვქონდა საქმე

საპარლამენტო უმრავლესობის წევრი რატი იონათამიშვილი „ნაციონალური მოძრაობის“ და ოპოზიციის ნაწილის ბიოკოტს გამოეხმაურა და განაცხადა, რომ მათ დღეს ბოიკოტი გამოუცხადეს არა პარლამენტს, არამედ 12 რეკომენდაციის შესრულებას.

„ამერიკის შეერთებული შტატები, ავსტრალია, ახალი ზელანდია, ეს ის ქვეყნებია, სადაც მოქმედებს რუსული კანონი. კანადა, დიდი ბრიტანეთი, ევროკავშირი, მათ შორის ევროკავშირის წევრი 27 ქვეყანა, ეს ის ქვეყნებია, სადაც ახლა განიხილება აქტიურად რუსული კანონის მიღება. მხოლოდ ეს ფაქტი არის საკმარისი ვთქვათ, რომ იმ პარტიებს, რომელმაც დღეს ბოიკოტი გამოუცხადეს არა პარლამენტს, არამედ 12 რეკომენდაციის შესრულებას, მათ მიერ განხორციელებულ საუკუნის „აფიორასთან“ გვქონდა საქმე, რომელიც იქნება გაკვეთილი იმისა, თუ როგორ შეიძლება იაფფასიანი ტყუილებით იმოქმედოს ჰიბრიდული ომის ტექნიკის მცოდნე ადამიანმა იმისთვის, რომ საზოგადოების გულწრფელ ემოციებზე იმოქმედოს და ითამაშოს“, - განაცხადა იონათამიშვილმა.

დეპუტატმა შინაგან საქმეთა ყოფილიი მინისტრის, ვანო მერაბიშვილის მიერ ინტერვიუს დროს ნათქვამი რამდენიმე ციტატა გაიხსენა.

„ამ ციტატაში ჩანს რეალური მიზნები, რაც გააჩნია „ნაციონალურ მოძრაობას“ და რადიკალურ ჯგუფებს, რომლებსაც სინამდვილეში, არ აინტერესებთ არც ჩვენი ადამიანების გულწრფელი პროცესი, არც 12 რეკომენდაციის შესრულება, არც საქართველოს დაახლოება ევროინტეგრაციის გზაზე. ერთადერთი, მათი მიზანია რაიმენაირად არეულობის შექმნა ამ ქვეყანაში, რაც უნდა გადაიზარდოს საომარ მოქმედებებში და ჰგონიათ, რომ ეს ყველაფერი მათ პირად კეთილდღეობას უზრუნველყოფს, თორემ ჩვენი ქვეყნის და მოქალაქეების კეთილდღეობა რომ მათ არ ადარდებდათ მთელი მათი პოლიტიკური საქმიანობა და ბიოგრაფია არის ამის მაგალითი“, - განაცხადა იონათამიშვილმა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?