უკრაინის შეიარაღებული ძალების სახმელეთო ჯარების სარდალი, ალექსანდრე სირსკი აცხადებს, რომ ბახმუტის მიმართულებით ინტენსიური ბრძოლები გრძელდება, ოკუპანტები ქალაქის ცენტრისკენ წინსვლას ცდილობენ, მაგრამ თავდაცვის ძალები მათ ამის საშუალებას არ აძლევენ.

„ბახმუტის დაცვა გრძელდება, აღმოსავლეთის ძალების ჯგუფის პასუხისმგებლობის ზონაში ფრონტის მთელ ხაზზე ინტენსიური ბრძოლები მიმდინარეობს“, - აღნიშნა სირსკიმ.

მისი თქმით, რუსული ძალები, ბახმუტის მიმართულებით, მნიშვნელოვან დანაკარგებს განიცდიან.

„ბახმუტის მიმართულებით მუდმივად ნადგურდება მტრის ტექნიკა, ცოცხალი ძალა და საწყობები“, - აღნიშნა ალექსანდრე სირსკიმ.