უკრაინაში, 2022 წლის თებერვალში რუსეთის სრულმასშტაბიანი შეჭრის დაწყებიდან, სულ მცირე 8 317 მშვიდობიანი მოქალაქე დაიღუპა, 13 892 კი - დაშავდა, - ამის შესახებ გაერო-ს ადამიანის უფლებათა უმაღლესი კომისრის ოფისის განცხადებაშია აღნიშნული.

ორგანიზაციის მონაცემებით, მშვიდობიან მოსახლეობაში ყველაზე მეტი მსხვერპლი დონეცკისა და ლუგანსკის ოლქებში დაფიქსირდა.

გაერო-ს ადამიანის უფლებათა უმაღლესი კომისრის ოფისში აცხადებენ, რომ უკრაინის მიერ კონტროლირებად ტერიტორიაზე 6 446 მშვიდობიანი მოქალაქე დაიღუპა და 11 374 დაშავდა. რუსეთის მიერ კონტროლირებად ტერიტორიებზე კი დაიღუპა 1 871 და დაშავდა 2 518 მოქალაქე.

ამასთან, ორგანიზაციაში განმარტავენ, რომ რეალური მაჩვენებელი, სავარაუდოდ, გაცილებით მეტია, ვიდრე იმ ტერიტორიებიდან, სადაც ინტენსიური საომარი მოქმედებები მიმდინარეობს, ინფორმაციის მიწოდება გვიანდება, ან საერთოდ ვერ ხერხდება. მათ შორისაა ქალაქები მარიუპოლი დონეცკის ოლქში, ასევე ლისიჩანსკი, პოპასნა და სევეროდონეცკი ლუგანსკის ოლქში.