ჩინეთის ლიდერ სი ძინპინსა და უკრაინის პრეზიდენტ ვოლოდიმირ ზელენსკის შორის სატელეფონო საუბრის ორგანიზების მიზნით უკრაინული მხარე ჩინეთთან დისკუსიას აწარმოებს, - ამის შესახებ უკრაინელმა მაღალჩინოსანმა CNN-ს განუცხადა.

წყაროს ცნობით, მხარეები უკრაინის სამშვიდობო გეგმის შესახებ პეკინის წინადადებას განიხილავენ.

შეგახსენებთ, სი ძინპინი სამდღიანი ვიზიტით რუსეთში იმყოფება. ვიზიტის ფარგლებში ის უკვე შეხვდა რუსეთის პრეზიდენტს, ვლადიმერ პუტინს და პრემიერ-მინისტრს, მიხეილ მიშუსტინს. ჩინეთის საგარეო საქმეთა სამინისტროს ინფორმაციით, ვლადიმერ პუტინსა და სი ძინპინს გუშინ, პირისპირ შეხვედრის დროს უკრაინის საკითხზე „აზრთა ღრმა გაცვლა-გამოცვლა“ ჰქონდათ.