ლევან იოსელიანის ადგილმონაცვლედ პარლამენტის წევრი ქეთევან თურაზაშვილი გახდა. პლენარულ სხდომაზე პარლამენტის გამოკლებული წევრის ლევან იოსელიანის ადგილმონაცვლის ქეთევან თურაზაშვილის უფლებამოსილების ცნობის საკითხს მხარი 79- ხმით დაუჭირეს.

ინფორმაციისთვის, პოლიტიკურ ჯგუფ “მოქალაქეების“ წევრი ლევან იოსელიანი ექვსი წლის ვადით სახალხო დამცველის თანამდებობაზე აირჩიეს. იოსელიანის ახალი თანამდებობა პარლამენტის წევრის უფლებამოსილებასთან შეუთავსებელ საქმიანობას წარმოადგენს, რის საფუძველზეც მას პარლამენტის წევრის უფლებამოსილება შეუწყდა.