შრომის ინსპექციის სამსახურის ხელმძღვანელმა ბექა ფერაძემ კავკასიის უნივერსიტეტში საჯარო ლექცია ჩაატარა. უწყების ხელმძღვანელმა სტუდენტებს სამსახურის მანდატი გააცნო.

ჯანდაცვის სამინისტროს ინფორმაციით, ლექციის მთავარი თემა შრომითი ნორმები იყო, რომელიც მათ როგორც დასაქმებულებმა, აქტიურ შრომით ბაზარზე გასვლისას უნდა იცოდნენ.

„შეხვედრას კავკასიის უნივერსიტეტის პრეზიდენტი კახა შენგელია ესწრებოდა. შრომის უფლებებისა და უსაფრთხოების მიმართულებით არსებული ყველა ძირითადი ნორმა განხილული იყო, კერძოდ საუბარი შეეხე სამუშაო ადგილზე დისკრიმინაციის პრევენციის მექანიზმებს, ზეგანაკვეთური შრომის ანაზღაურების წესს, შვებულების უფლებით სარგებლობის წესსა და უსაფრთხოების სტანდარტებს, რასაც საჯარო თუ კერძო ორგანიზაციები უნდა აკმაყოფილებდეს.

შეხვედრა კითხვა-პასუხის რეჟიმში წარიმართა. სხვადასხვა უნივერსიტეტის სტუდენტებთან შეხვედრა პერმანენტულ რეჟიმში გაიმართება“, - აღნიშნულია გავრცელებულ ინფორმაციაში.