მამაკაცს, რომელიც მუხიანში, დუმბაძის ქუჩაზე მდებარე ერთ-ერთი კორპუსის ლიფტში გარდაცვლილი იპოვეს, სხეულზე სავარაუდოდ, დამწვრობა აღენიშნება.

გარდაცვალების ზუსტ მიზეზი ჯერჯერობით უცნობია. როგორც „ინტერპრესნიუსს” ერთ-ერთმა პირმა განუცხადა, მამაკაცი ლიფტთან იპოვეს გარდაცვლილი და მას სხეულზე დამწვრობა აღენიშნება.

„დილით, მეზობელმა კორპუსში კვამლის სუნი იგრძნო. გამოუძახებია სახანძრო-სამაშველო ბრიგადა. მე არ მინახავს, მაგრამ ყველა ამბობს, რომ სხეული დამწვარი აქვს", - აცხადებს ადგილობრივი.

გარდაცვალების მიზეზებზე ვერ საუბრობს გარდაცვლილის და.

ადგილზე საგამოძიებო მოქმედებები ამ დრომდე მიმდინარეობს.