კახა მურადაშვილი მუხიანში მომხდარ შემთხვევაზე - ვარკვევთ, ვმუშაობთ - ადგილზე როგორც სასამართლო ექსპერტი, ისე კრიმინალისტები მუშაობენ
თბილისის პოლიციის დეპარტამენტის დირექტორის მოადგილის, კახა მურადაშვილის განცხადებით, მუხიანში მომხდარი შემთხვევის გამო, რა დროსაც მამაკაცი ლიფტში გარდაცვლილი იპოვეს, გამოძიება მიმდინარეობს.
ჟურნალისტების კითხვაზე, რა ინფორმაცია აქვს გავრცელებულ ინფორმაციაზე, რომლის თანახმად, მამაკაცს, სავარაუდოდ, მრავლობითი დაზიანებები აღენიშნება, ასევე, დამწვარი აქვს სხეული, კახა მურადაშვილი განმარტავს, რომ გამოძიება მიმდინარეობს და შესაბამისად, დაზუსტებით ვერაფერს იტყვის.
„ვარკვევთ, ვმუშაობთ. ადგილზე როგორც სასამართლო ექსპერტი, ისე კრიმინალისტები მუშაობენ და ყველაფერს მოგვიანებით გეტყვით“, - განუცხადა ადგილზე ჟურნალისტებს კახა მურადაშვილმა.
მუხიანში, საცხოვრებელი კორპუსის ერთ-ერთ ლიფტში მამაკაცი გარდაცვლილი იპოვეს. საგამოძიებო მოქმედებები საცხოვრებელ კორპუსში და მის მიმდებარედ ამ დრომდე მომდინარეობს.
v-if="article.gallery" v-html="article.gallery"
