თბილისმა საქართველო-სლოვენიის ბიზნეს ფორუმს უმასპინძლა. საქართველოს სავაჭრო პალატის ორგანიზებით გამართულ ღონისძიებას ბიზნესის 100-მდე წარმომადგენელი დაესწრო.

საქართველოს სავაჭრო პალატის ინფორმაციით, ფორუმის მონაწილეებს სიტყვით მიმართეს საქართველოს სავაჭრო პალატის პრეზიდენტმა გიორგი პერტაიამ, სლოვენიის სავაჭრო პალატისა და საგარეო და ევროპულ საქმეთა სამინისტროს წარმომადგენლებმა. ქართველ მეწარმეებთან ბიზნეს კავშირების დამყარების მიზნით სლოვენიურ დელეგაციას თან ახლდა სლოვენიური კომპანიები სხვადასხვა სექტორებიდან.

მათივე ცნობით, ფორუმის ფარგლებში, ორმხრივი ბიზნეს შეხვედრები ჩატარდა, სადაც ბიზნესის ქართველ წარმომადგენლებს შესაძლებლობა მიეცათ დაემყარებინათ ბიზნეს კავშირები სლოვენურ კომპანიებთან.

ასევე, განიხილეს საინვესტიციო შესაძლებლობები, სამომავლო თანამშრომლობისა და პოტენციური პარტნიორობის პერსპექტივები.