თუ პუტინი ევროპაში გაემგზავრება, იგი უნდა დააკავონ და ჰააგის სასამართლოს გადასცენ. ამის შესახებ აშშ-ის სახელმწიფო მდივანმა ენტონი ბლინკენმა აშშ-ის სენატში გამართულ სხდომაზე განაცხადა.

“ვთვლი, რომ ყველამ, ვინც [სისხლის სამართლის საერთაშორისო] სასამართლოს წევრია და აქვს გარკვეული ვალდებულებები, უნდა შეასრულოს ეს ვალდებულებები”, - განაცხადა ბლინკენმა.

ამავდროულად, მან კონკრეტული პასუხი არ გასცა კითხვას, აშშ-ში ჩასვლის შემთხვევაში პუტინს იგივე ეწეოდა თუ არა.

“წინასწარ ვერ ვიტყვი, ვინაიდან, რა თქმა უნდა, კანონები უნდა განიხილებოდეს, ხოლო ჩვენ, როგორც იცით, სისხლის სამართლის საერთაშორისო სასამართლოს წევრი არ ვართ. ამიტომ არ ვისურვებდი ამის განხილვას”, - განაცხადა ბლინკენმა და აღნიშნა, რომ ნაკლებად სავარაუდოა, უახლოეს მომავალში პუტინი აშშ-ში ვიზიტს გეგმავდეს.