რომის წესდების მონაწილე სახელმწიფოთა ასამბლეის პრეზიდიუმი ურყევ მხარდაჭერასუცხადებს სისხლის სამართლის საერთაშორისო სასამართლოს, რომელსაც რუსეთის პრეზიდენტის ვლადიმერ პუტინის დაპატიმრების ორდერის გამო მუქარებს უგზავნიან.

ვადასტურებთ ჩვენს სრულ ნდობას სასამართლოს, როგორც დამოუკიდებელი, მიუკერძოებელი სასამართლო ინსტიტუტის მიმართ და ვიმეორებთ მტკიცე ვალდებულებას, დავიცვათ რომის წესდებით გათვალისწინებული პრინციპები და ღირებულებები.

სისხლის სამართლის საერთაშორისო სასამართლო ახორციელებს ჩვენს კოლექტიურ ვალდებულებას, ვებრძოლოთ დაუსჯელობას ყველაზე სერიოზული საერთაშორისო დანაშაულებისთვის. მოვუწოდებთ ყველა სახელმწიფოს პატივი სცენ სასამართლოებისა და პროკურორების დამოუკიდებლობას“.

ცნობისთვის, რომის წესდების მონაწილე სახელმწიფოთა ასამბლეა არის სისხლის სამართლის საერთაშორისო სასამართლოს მმართველი სამეთვალყურეო და საკანონმდებლო ორგანო. იგი შედგება იმ ქვეყნების წარმომადგენლებისგან, რომლებმაც ამ წესდების რატიფიცირება განახორციელეს ან შეუერთდნენ მას.