ოფიციალური პეკინის განცხადებით, შეერთებული შტატების საბრძოლო ხომალდი ჩინეთის ტერიტორიულ წყლებში კანონის დარღვევით შევიდა.

ჩინეთის თავდაცვის უწყების ცნობით, შემთხვევა სამხრეთ ჩინეთის ზღვაში, პარასელის კუნძულებთან ახლოს მოხდა.

განცხადებაში ასევე აღნიშნულია, რომ საბრძოლო ხომალდმა საერთაშორისო შეთანხმება დაარღვია და ის სტაბილურობასა და მშვიდობას ძირს უთხრის. თავდაცვის სამინისტროში ასევე აცხადებენ, რომ ქვეყნის სუვერენიტეტისა და უსაფრთხოების შესანარჩუნებლად ისინი საჭირო ზომების მისაღებად მუდმივად მზად არიან.