გრიგოლ რობაქიძის სახელობის უნივერსიტეტს ერთკვირიანი სამეცნიერო - კვლევითი ვიზიტით ჯორჯ ვაშინგტონის უნივერსიტეტის დოქტორანტები ეწვივნენ, რომელთა საკვლევი თემა არის საქართველოს კონფლიქტების ეკონომიკური ტრანსფორმაცია რეგიონული გამოწვევებისა და შესაძლებლობების ფონზე.

გრიგოლ რობაქიძის სახელობის უნივერსიტეტის ინფორმაციით, ამერიკელ სტუდენტებს: ამელია იანგს, ლევან გურგენიძეს, მეგან კრეიგს და რეიჩელ კლავეტეს უმასპინძლეს გრუნის პროფესორებმა - ვახტანგ ჭარაიამ და თენგიზ თაქთაქიშვილმა, აგრეთვე, გაეროში საქართველოს ახალგაზრდობის წარმომადგენელმა დავით ესართიამ და სოხუმის უნივერსიტეტის პროფესორმა დავით ჯალაღონიამ.

მათი ცნობით, შეხვედრაზე განიხილეს საკვლევ თემასთან დაკავშირებით საქართველოში არსებული ვითარება და გამოწვევები, ისაუბრეს საქართველო -რუსეთისა და რუსეთ-უკრაინის კონფლიქტებსა და მათ შედეგებზე, მათ გავლენაზე როგორც რეგიონის, ისე საქართველოს ეკონომიკაზე.