კახა კალაძის განცხადებით, მერიას მეტროსადგურ „ახმეტელის თეატრში“ ე.წ. ტურნიკეტების მოწყობასთან დაკავშირებით მუშაობა დაწყებული აქვს
თბილისის მერის კახა კალაძის განცხადებით, დედაქალაქის მერიას მეტროსადგურ „ახმეტელის თეატრში" ე.წ. ტურნიკეტების მოწყობასთან დაკავშირებით მუშაობა დაწყებული აქვს. როგორც მან ჟურნალისტებს განუცხადა, შერჩეულია პოლონური კომპანია და მათი მხრიდან თანხმობის შემდეგ, უკვე 3 თვეში პროექტის განხორციელება შესაძლებელი იქნება.
„დაწყებული გვაქვს ამასთან დაკავშირებით მუშაობა, გამოვლენილი და შერჩეულია პოლონური კომპანია, რომელიც ამ საკითხზე მუშაობს, დადასტურებას ველოდებით. ჩვენ წარვუდგინეთ "ახმეტელის თეატრის" აღნიშნული სივრცე, წარვუდგინეთ პროექტი, თუ რის გაკეთება გვინდა, ველოდებით დადასტურებას და ამის შემდეგ, უკვე 3 თვეში შესაძლებელი იქნება პროექტი დასრულდეს. გვაქვს ასევე მეორე, ცოტა გრძელვადიანი პროექტი, ეს არის ახმეტელის მეტროს ახალი ამოსასვლელი-ჩასასვლელის პროექტის განხორციელება, იგივე არის სამგორის მეტროსთან დაკავშირებით. ამ ყველაფერთან დაკავშირებით "აზიის განვითარების ბანკთან" ვმუშაობთ, ასევე " ევროპის რეკონსტრუქციისა და განვითარების ბანკთან", რომ მოხდეს 12 მეტროსადგურის სრული რეაბილიტაცია-განახლება და 10 მეტროსადგურზე პროექტის განხორციელება",-განაცხადა კალაძემ.
v-if="article.gallery" v-html="article.gallery"
