მოსკოვის ბასმანის რაიონულმა სასამართლომ უკრაინაში მებრძოლ "ქართული ეროვნული ლეგიონის" ოთხ წევრს პატიმრობა დაუსწრებლად მიუსაჯა, - ინფორმაციას "მედიაზონა" ავრცელებს.

მათივე ინფორმაციით, ეს მებრძოლები არიან: ლაშა რუხაია, ვასილ ალიბეგაშვილი, ერეკლე ამირანაშვილი და ვეკა აპრესოვი. მათ ბრალად ედებათ დაქირავებული მებრძოლობა.

"მედიაზონა" იუწყება, რომ დაუსწრებლად დაპატიმრების შესახებ სასამართლო სხდომა 3 მარტს გაიმართა, თუმცა მათ შესახებ ინფორმაცია მოსკოვის სასამართლოების კარტოთეკაში 22 მარტს გამოჩნდა.

რუსეთის საგამოძიებო კომიტეტმა „ქართული ეროვნული ლეგიონის“ 24 წევრის მიმართ სისხლის სამართლის საქმე გასული წლის აპრილში აღძრა. რუხაია, ალიბეგაშვილი, ამირანაშვილი და აპრესოვი ამ 24 მებრძოლს შორის იყვნენ.