ფინეთის პრეზიდენტმა საული ნიინისტომ ხელი მოაწერა კანონს, რომელიც ქვეყანას ნატო-ში გაწევრიანების საშუალებას აძლევს, - ინფორმაციას Bloomberg-ი ავრცელებს.

ნატო-ში გაწევრიანებაზე ფინეთის განაცხადის რატიფიცირება ალიანსის წევრი 30 ქვეყნიდან 28-მ განახორციელა და ფინეთის გაწევრიანება მას შემდეგ გახდება შესაძლებელი, რაც რატიფიცირების პროცესს უნგრეთი და თურქეთიც დაასრულებენ.

უნგრეთი ფინეთის განაცხადის რატიფიცირებას მომავალ კვირას გეგმავს, ხოლო თურქეთის პრეზიდენტმა, რეჯეფ თაიფ ერდოღანმა რამდენიმე დღის წინ განაცხადა, რომ პარლამენტი რატიფიცირების პროცესს დაიწყებს და იმედი გამოთქვა, რომ ფინეთის განაცხადს მხარს 14 მაისის არჩევნებამდე დაუჭერენ.