რუსებმა კონსტანტინოვკა დაბომბეს, დაიღუპა 3 ადამიანი
რუსულმა ძალებმა დონეცკის ოლქის ქალაქ კონსტანტინოვკაზე სარაკეტო დარტყმა განახორციელეს, რის შედეგად სამი ადამიანი დაიღუპა, - ინფორმაციას უკრაინული მედია დონეცკის ოლქის პროკურატურაზე დაყრდნობით ავრცელებს.
მათივე ინფორმაციით, ერთ-ერთი რაკეტა ე.წ. უძლეველობის პუნქტის შენობას მოხვდა.
“რუსეთის არმიამ კონსტანტინოვკა S-300 საზენიტო-სარაკეტო სისტემიდან დაბომბა. ერთ-ერთი რაკეტა უძლეველობის პუნქტის შენობას მოხვდა, მეორე კი მის მახლობლად დაეცა”, - აცხადებენ ოლქის პროკურატურაში.
მათივე ინფორმაციით, სამივე გარდაცვლილი ქალია. ამასთან, სხეულის სხვადასხვა სიმძიმის დაზიანებები კიდევ ორმა მოქალაქემ მიიღო.
შეგახსენებთ, უკრაინაში გახსნილ ე.წ. უძლეველობის პუნქტებში მოქალაქეებს გათბობის, ელექტრონული მოწყობილობების დამუხტვისა და სხვა სერვისების მიღება შეუძლიათ.
This is a modal window.
v-if="article.gallery" v-html="article.gallery"
