სკოლა "პროგრესი" იწყებს მოსწავლეთა რეგისტრაციას გაეროს მოდელირების კონფერენციაზე მონაწილეობისთვის, რომელიც ნიუ-იორკში10-16 აგვისტოს გაიმართება.

სკოლა „პროგრესის" ინფორმაციით, მონაწილეთა ასაკი 13-18 წელია. მონაწილეობის მიღება შეუძლიათ საქართველოს კერძო და საჯარო სკოლების მოსწავლეებს.

„პროგრამა ახალგაზრდებს შესაძლებლობას აძლევს: უკეთ გაეცნონ გაერთიანებული ერების ორგანიზაციის მუშაობის მეთოდებს, პრინციპებსა და პროცესს; გაიუმჯობესონ დებატების, მოლაპარაკებისა და საჯარო გამოსვლის უნარები; წარმოაჩინონ საკუთარი თავი და ქვეყანა; გაიცნონ გაეროს წევრი სახელმწიფოების ახალგაზრდა ლიდერები; შეიძინონ მეგობრები მთელი მსოფლიოდან; მოიპოვონ საერთაშორისო სერტიფიკატი;

გაეცნონ ნიუ-იორკის ღირსშესანიშნავ ადგილებს.

რეგისტრაციის ბოლო ვადა 10 აპრილია“, - ნათქვამია ინფორმაციაში.

რეგისტრაციისთვის აუცილებელია ფორმის შევსება - https://forms.gle/HM5imqqBthoaxAVPA