ირაკლი ქარსელაძემ გაერო-ში, წყლის რესურსების მართვის პანელურ დისკუსიაში მიიღო მონაწილეობა

საქართველოს რეგიონული განვითარებისა და ინფრასტრუქტურის მინისტრმა, ირაკლი ქარსელაძემ, გაერო-ს წყლის რესურსების 2023 წლის კონფერენციის ფარგლებში, წყლის ხელმისაწვდომობის თემაზე გამართულ პანელურ დისკუსიაში მიიღო მონაწილეობა.

ამის შესახებ ინფორმაციას საქართველოს რეგიონული განვითარებისა და ინფრასტრუქტურის სამინისტრო ავრცელებს.

მათივე ცნობით, პანელური დისკუსია უნგრეთის დელეგაციის მასპინძლობით ჩატარდა და მას უნგრეთის საგარეო საქმეთა და ვაჭრობის მინისტრი პიტერ სიიარტო უძღვებოდა.

„დისკუსიაში მონაწილეობდნენ გაერო-ს წყლის რესურსების 2023 წლის კონფერენციის დელეგატები, ასევე, წყლის რესურსების მართვასა და ჯანმრთელობის დაცვასთან დაკავშირებული საერთაშორისო ორგანიზაციების წარმომადგენლები.

პანელური დისკუსიის მონაწილეებს ირაკლი ქარსელაძემ სიტყვით მიმართა და საქართველოს ბოლო წლების პროგრესის შესახებ მოსახლეობის სტანდარტის შესაბამისი წყალმომარაგებით უზრუნველყოფისა და წყალარინების თანამედროვე სისტემების განვითარების მიზნით გადადგმულ ნაბიჯებთან დაკავშირებით ინფორმაცია გაუზიარა“, - აღნიშნულია უწყების მიერ გავრცელებულ ინფორმაციაში.

ამასთან, მათივე ცნობით, მინისტრმა, ისაუბრა ქვეყნის რეგიონებში ახალი, თანამედროვე გამწმენდი ნაგებობების მართვის უკვე არსებული პრაქტიკის, ასეთი ნაგებობების მიმდინარე და დაგეგმილი მშენებლობების შესახებ, რაც გარემოზე მავნე ზემოქმედების რისკებს მნიშვნელოვნად ამცირებს.

„საინტერესო დისკუსია გაიმართა იმ პრობლემებზე და გამოწვევებზე, რომელიც გააჩნიათ მსოფლიოს სხვადასხვა ქვეყნებს წყლის რესურსების ხელმისაწვდომობასთან დაკავშირებით. დისკუსიის მონაწილეებს გავუზიარეთ ის მნიშვნელოვანი პროგრესი, რომელიც ქვეყანაში სტანდარტის შესაბამისი წყალმომარაგების სისტემების განვითარების მიმართულებით უკვე გვაქვს. ვისაუბრეთ გამოწვევებზეც და მათ გადასაჭრელად დასახულ გეგმებზეც. მოვისმინეთ სხვა ქვეყნების გამოცდილებები და თამამად შეიძლება ითქვას, რომ ჩვენი როგორც ხედვები, ასევე მიმდინარე პროექტები და არსებული გეგმები სრულ თანხვედრაშია მათ გამოცდილებასა და ხედვებთან“,- განაცხადა ირაკლი ქარსელაძემ.

უწყების ცნობით, პანელურ დისკუსიაში, ასევე, მონაწილეობდნენ საქართველოს დელეგაციის წევრები - საქართველოს რეგიონული განვითარებისა და ინფრასტრუქტურის მინისტრის მოადგილე მზია გიორგობიანი, გაეროში საქართველოს ელჩი დავით ბაქრაძე და შპს გაერთიანებული წყალმომარაგების კომპანიის დირექტორი ალექსანდრე თევდორაძე.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს