დონეცკის ოლქის ქალაქ ავდიივკადან, სადაც აქტიური საომარი მოქმედებები გრძელდება, კომუნალური სამსახურების თანამშრომლების ევაკუაცია მოხდება, - ინფორმაციას უკრაინული მედია ავრცელებს.

„სამწუხაროა ამის აღიარება, მაგრამ ავდიივკა უფრო და უფრო ემსგავსება ადგილს პოსტ-აპოკალიფსური ფილმებიდან. ამიტომ, მიღებულ იქნა რთული გადაწყვეტილება ავდიივკადან ჩვენი გმირების - კომუნალური სამსახურების თანამშრომლების ევაკუაციის შესახებ, რომლებიც როგორღაც მაინც ცდილობდნენ შეენარჩუნებინათ ქალაქის სისუფთავე და სიცოცხლისუნარიანობა“, - განაცხადა ავდიივკას საქალაქო სამხედრო ადმინისტრაციის ხელმძღვანელმა, ვიტალი ბარაბაშმა.

მისი თქმით, ქალაქში მობილური კავშირი გაითიშება.

ბარაბაშმა მოქალაქეებს ქალაქის დატოვებისკენ მოუწოდა. მისი თქმით, "რუსული რაკეტები და ჭურვები არავის და არაფერს ზოგავს".