ისრაელში საპროტესტო აქციები განახლდა. დემონსტრანტები ქნესეთისა და უზენაესი სასამართლოს შენობებთან შეიკრიბნენ და ქვეყნის პრემიერ-მინისტრს, ბენიამინ ნეთანიაჰუს სასამართლო სისტემის რეფორმის შეჩერებისკენ მოუწოდებენ.

მედიის ინფორმაციით, თელ-ავივში ხალხმრავლობის გამო გზებზე მოძრაობა შეფერხებულია.

ისრაელის პრემიერ-მინისტრმა ბენიამინ ნეთანიაჰუმ მომიტინგეებს მოუწოდა, პასუხისმგებლობით იმოქმედონ და ძალადობისგან თავი შეიკავონ.

„მოვუწოდებ ყველა დემონსტრანტს იერუსალიმში, მოიქცნენ პასუხისმგებლობით და არ იმოქმედონ ძალადობრივად. ჩვენ ძმური ხალხი ვართ“, - განაცხადა ისრაელის პრემიერმა.