საქართველოს ფერმერთა ასოციაცია, ნორვეგიის ელჩ, ელენ სანდ ანდრესენთან და გაეროს ქალთა ორგანიზაციის წარმომადგენლებთან ერთად, კახეთის რეგიონში მცხოვრებ ქალ მეწარმეებს შეხვდნენ, რომლებიც აგროტურიზმის სფეროში საქმიანობენ.

ფერმერთა ასოციაციის ინფორმაციით, რეგიონული ვიზიტის ფარგლებში ნორვეგიის ელჩი ადგილზე პროექტის „ქალთა ეკონომიკური გაძლიერების“ ფარგლებში განხორციელებული აქტივობების შედეგებს გაეცნო.

„საქართველოს ფერმერთა ასოციაციამ პროექტის „ ქალთა ეკონომიკური გაძლიერების“ ფარგლებში მთელი საქართველოს მასშტაბით 100 მეწარმე ქალი შეარჩია, რომლებსაც ორი წლის განმავლობაში ბიზნესის განსავითარებლად სხვადასხვა მიმართულების ცოდნისა და კვალიფიკაციის ტრენინგი ჩაუტარდათ. საუკეთესო ბიზნეს იდეის ავტორებმა კი მიიღეს ფინანსური დახმარება. ასევე, ოცზე მეტი მეწამე ქალის ბიზნესისთვის შეიქმნა ბრენდბუქი, საკომუნიკაციო სტრატეგია და ფოტო პორტფოლიო კონტენტით, რომელიც agrogate.worl განთავსდა.

რეგიონული ვიზიტის ბოლოს წიგნის “კულინარიული მოგზაურობა ქალ მეწარმეებთან ერთად “ პრეზენტაცია გაიმართა, რომელსაც დონორი ორგანიზაციის წარმომადგენლებთან ერთად ფერმერი ქალებიც ესწრებოდნენ.

წიგნში გაერთიანებულია სოფლად მცხოვრები ქალების ამბები, რომელთა სიყვარული შექმნილი ადგილები და გასტრო ნაწილი მოგანდომებთ, რომ იყოთ ამ დიდი ამბის ნაწილი და თქვენი მოგზაურობა კიდევ უფრო შთამბეჭდავად დაგეგმოთ.

პროექტს “ქალთა ეკონომიკური გაძლიერებისთვის” გაეროს ქალთა ორგანიზაცია, ნორვეგიის მთავრობის დაფინანსებით, საქართველოს ფერმერთა ასოციაციასთან პარტნიორობით ახორციელებს“, - აღნიშნულია გავრცელებულ ინფორმაციაში.