„მოიწვიე Finedu სკოლაში“ საინფორმაციოს კამპანიის ფარგლებში საპენსიო სააგენტოს წარმომადგენლებმა საჯარო სკოლებში შეხვედრები ჩაატარეს.

საპენსიო სააგენტოს ინფორმაციით, სააგენტოს საინვესტიციო სამსახურის თანამშრომლებმა: ნიკოლოზ მესხიშვილმა და ჯული ავლოხაშვილმა თემაზე „დაგეგმე შენი ფული, შექმენი შენი მომავალი“ წარმოადგინეს პრეზენტაციები 221-ე საჯარო მეგა სკოლა მე-9 კლასის და 26-ე საჯარო სკოლის III და IV კლასის მოსწავლეებისთვის. ასევე, ჩატარდა ონლაინ შეხვედრები რეგიონის მოზარდებისთვის, სადაც 50-მდე სკოლის მოსწავლე ესწრებოდა.

„შეხვედრები წარიმართა ინტერაქციულ რეჟიმში, მოზარდებმა დასვეს შეკითხვები და ჩაერთვნენ სხვადასხვა ტიპის აქტივობაში, იმსჯელეს საპენსიო სააგენტოს სამუშაო პროცესებზე, ფულის დაზოგვის მნიშვნელობასა და საჭიროებაზე, გაეცნენ სხვადასხვა ტიპის ტერმინებს, ფულის ისტორიას და ეროვნული ბანკის საქმიანობას.

წლის მანძილზე, FINEDU-ს პლატფორმის ფარგლებში სამომავლოდაც იგეგმება არაერთი აქტივობა, რომელშიც საპენსიო სააგენტო პერმანენტულად იქნება ჩართული“,- ნათქვამია ინფორმაციაში.