რუსეთის წყნარი ოკეანის ფლოტმა იაპონიის სანაპიროს წყლებში ზებგერითი ხომალდსაწინააღმდეგო რაკეტებით იმიტირებული სამიზნე გაანადგურა. ინფორმაციას რუსეთის თავდაცვის სამინისტრო ავრცელებს.

„ორი სარაკეტო კატარღისგან შემდგარმა ჯგუფმა ერთობლივი სარაკეტო დარტყმა განახორციელა ზღვის ფარზე, რომელიც მტრის ხომალდის იმიტაციას წარმოადგენდა. სამიზნე წარმატებით იქნა განადგურებული 100 კმ მანძილზე „მოსკიტის“ ტიპის ორი ფრთოსანი რაკეტის პირდაპირი დარტყმით“, - აცხადებენ რუსეთის თავდაცვის უწყებაში.

Reuters-ის ცნობით, აღნიშნულ რაკეტებს ხომალდების 120 კილომეტრამდე მანძილზე განადგურება შეუძლიათ.