პროფკავშირებთან თანამშრომლობით საქართველოში ინგლისური ენის სწავლების ყველაზე დიდი ამერიკულ-ებრაული პლატფორმა ედუსოფტი შემოვიდა.

ინფორმაციას საქართველოს პროფკავშირების გაერთიანება ავრცელებს.

მათი ცნობით, ერთ-ერთი ყველაზე აღიარებული სწავლების ონლაინ პროგრამა მსოფლიოში ბოლო 20 წლის მანძილზე 170, 000, 000-მა ადამიანმა გაიარა. პროგრამით სარგებლობა ყველა მსურველს შეუძლია, თუმცა, პროფკავშირის წევრებისთვის სწავლება ექსკლუზიურ ფასად, თვეში 25 ლარად იქნება შესაძლებელი. ამავე ფასით ისარგებლებენ მათი ოჯახის წევრებიც.

„კურსების გავლა ნებისმიერი ასაკისა და განათლების მქონე ადამიანისთვისაა შესაძლებელი. თუ თვლით, რომ ინგლისურ ენას რაღაც დონემდე ფლობთ, სურვილის შემთხვევაში, საკუთარი ცოდნის შესამოწმებლად, შეგიძლიათ ონლაინ ტესტირების დაწერა, რეკომენდაციის მიღება და სწავლის შესაბამისი საფეხურიდან დაწყება.

თითოეული კურსის გავლის შემდეგ, მომხარებელი ცოდნის დამადასტურებელ სერტიფიკატს მიიღებს.

ონლაინ სწავლების დროს, პროცესის ეფექტურად წარმართვისთვის, მომხმარებელს კვალიფიციური მასწავლებელი, რეკომენდაციებს ინდივიდუალურად გაუწევს. ინგლისური ენის ხარისხიანად შესასწავლად, კვირაში 4-5 საათი პლატფორმაზე მეცადინეობაა საკმარისი.

პროგრამა სრულად ადაპტირებულია ქართველი მომხამრებლისთვის.

მთავარია, გქონდეთ სურვილი და ინტერნეტთან წვდომა.

ქართველი მომხმარებლების დასარეგისტრირებლად, მეტი სიმარტივისთვის, სპეციალურად შეიქმნა ქართულ-ამერიკული პლატფორმა engeo.ge . რეგისტრაციისა და კომპანიის შესახებ მეტი ინფორმაციის სანახავად გადადით ვებ-გვერდზე https://engeo.ge/

https://www.youtube.com/watch?v=g3bVRJ2W7W4", - აღნიშნულია საქართველოს პროფკავშირების გაერთიანების მიერ გავრცელებულ ინფორმაციაში.