საქართველოს ეროვნულმა საფეხბურთო ნაკრებმა ნორვეგიასთან მატჩი ფრედ დაასრულა.

ევროპის ჩემპიონატის საკვალიფიკაციო ტურნირზე საქართველოსა და ნორვეგიის ნაკრებებს შორის ანგარიში 1:1 დასრულდა.

ბათუმში, „აჭარაბეთ არენაზე“ პირველი გოლი მეთხუთმეტე წუთზე ნორვეგიის ნაკრების ფეხბურთელმა ალეკსანდერ სიორლოტმა გაიტანა.

საქართველოს ნაკრების ფეხბურთელებმა ანგარიშის გათანაბრება მეორე ნახევარში შეძლეს. გოლის ავტორი გიორგი მიქაუტაძე იყო, მან ანგარიში 59-ე წუთზე გაათანაბრა.