საფრანგეთის პარლამენტის ქვედა პალატამ 1932-33 წლების ჰოლოდომორი უკრაინელების გენოციდად აღიარა. ინფორმაციას ამის შესახებ უკრაინის პრეზიდენტი ვოლოდიმირ ზელენსკი და უკრაინის საგარეო საქმეთა მინისტრი დმიტრო კლება ავრცელებენ.

“საფრანგეთის პარლამენტის მიერ 1932-33 წლების ჰოლოდომორის უკრაინული ხალხის გენოციდად აღიარება მნიშვნელოვანი და სიმბოლურია. მადლობელი ვარ საფრანგეთის დიდი წვლილისთვის ტოტალიტარული რუსეთის წარსული და ამჟამინდელი დანაშაულების მხილებაში, სიმართლის, სამართლიანობის და, შესაბამისად, ანგარიშვალდებულების დადგენაში. მადლობა საფრანგეთს”, - წერს ზელენსკი “ტვიტერის” პირად გვერდზე.