მედიის ცნობით, ატომური ენერგიის საერთაშორისო სააგენტოს (IAEA) გენერალური დირექტორი, რაფაელ გროსი დღეს ზაპოროჟიეს ატომურ ელექტროსადგურს ეწვევა, რომელიც რუსეთის მიერაა ოკუპირებული. ვიზიტამდე მან ბირთვულ ობიექტზე არსებულ ვითარებას „ძალიან სახიფათო“ უწოდა.

გროსის თქმით, მისი მცდელობა, ხელი შეუწყოს ელექტროსადგურის დასაცავად შეთანხმების დადებას, ჯერ კიდევ აქტიურია.

შეგახსენებთ, ზაპოროჟიეს ბირთვული ობიექტი ევროპის უდიდესი ატომური ელექტროსადგურია, რომლის ოკუპირებაც რუსულმა ძალებმა გასული წლის მარტიდან მოახდინეს.