რუსეთმა საკუთარი ბირთვული აქტივობების, მათ შორის სარაკეტო გამოცდის შესახებ, აშშ-ისთვის ინფორმაციის გაზიარება შეწყვიტა.

ინფორმაციას მედია რუსეთის საგარეო საქმეთა მინისტრის მოადგილეზე, სერგეი რიაბკოვზე დაყრდნობით ავრცელებს.

„შეტყობინებები საერთოდ არ იქნება. ყველა სახის შეტყობინება, ხელშეკრულების ფარგლებში არსებული ყველა აქტივობა შეჩერდება და არ განხორციელდება მიუხედავად იმისა, თუ რა პოზიცია შეიძლება დაიკავოს ამერიკის შეერთებულმა შტატებმა”, - განაცხადა რიაბკოვმა.

შეგახსენებთ, მიმდინარე წლის 21 თებერვალს, რუსეთის პრეზიდენტმა ვლადიმერ პუტინმა განაცხადა, რომ რუსეთი "ახალი სტარტის" სახელით ცნობილ ბირთვული განიარაღების ხელშეკრულებას ტოვებს.