შვეიცარია რუსეთის წინააღმდეგ ევროკავშირის სანქციების მე-10 პაკეტს შეუერთდა. ინფორმაციას ამის შესახებ უკრაინის პრეზიდენტის ოფისის ხელმძღვანელი ანდრეი ერმაკი “ტელეგრამის” პირად გვერდზე ავრცელებს.

“29 მარტიდან შვეიცარია ევროკავშირის ანტირუსული სანქციების მე-10 პაკეტს შეუერთდა”, - წერს ერმაკი.

ცნობისთვის, ევროკავშირმა რუსეთის წინააღმდეგ სანქციების მე-10 პაკეტი 25 თებერვალს დაამტკიცა. პაკეტი რუსი პროპაგანდისტების, რუსეთის სამხედრო მრეწველობისა და ფინანსური სექტორის წინააღმდეგ ახალ სანქციებს ითვალისწინებს. ასევე, შემზღუდავი ზომებია შემოღებული 121 ფიზიკური და იურიდიული პირის წინააღმდეგ.