გენერალი მარკ მილი - ბახმუტში „ვაგნერის“ 6 000-მდე მებრძოლი იბრძვის
ქალაქ ბახმუტისთვის ბრძოლაში „ვაგნერის“ დაახლოებით 6 000 მებრძოლი იბრძვის, - ამის შესახებ აშშ-ის არმიის შტაბის უფროსმა, გენერალმა მარკ მილიმ განაცხადა.
მისი თქმით, „ვაგნერი“ ბახმუტის მიდამოებში დიდ დანაკარგებს განიცდის.
"ის უზარმაზარ მსხვერპლს განიცდის ბახმუტის ტერიტორიაზე; უკრაინელები ბევრ მათგანს ანადგურებენ“, - განაცხადა ამერიკელმა გენერალმა და დასძინა, რომ ბახმუტი რუსებისთვის „სასაკლაოდ იქცა“.
ცნობისთვის, „ვაგნერის“ ხელმძღვანელმა, ევგენი პრიგოჟინმა გუშინ განაცხადა, რომ ქალაქისთვის ბრძოლამ „პრაქტიკულად გაანადგურა უკრაინის არმია", მაგრამ „ვაგნერიც“ საკმაოდ დაზარალდა.
