ყველა ქალს, რომელიც არის ან თავს ძალადობის მსხვერპლად თვლის, სრულ სოლიდარობას ვუცხადებ, - ეს განცხადება ჟურნალისტებთან „ქართული ოცნების" დეპუტატმა მარიამ ლაშხმა ტელეკომპანია POSTV-ის დირექტორთან, შალვა რამიშვილთან დაკავშირებით დასმული კითხვის პასუხად გააკეთა, რომელსაც რამდენიმე ქალი სექსუალურ შევიწროებაში ადანაშაულებს.

ლაშხმა ხაზგასმით აღნიშნა, რომ „ქართული ოცნების" ხელისუფლების პირობებში მიღებულია კანონები, რომლის საფუძველზეც სისტემა შეიცვალა და ნებისმიერ ქალს, ვინც ძალადობის მსხვერპლად თვლის თავს, შეუძლია გამართულ სისტემას მიმართოს.

„სოლიდარობას ყველა ქალს ვუცხადებ. არსებობს შესაბამისი სისტემა იმისთვის, რომ ვინც არის დამნაშავე, პასუხი აგოს", - განაცხადა მარიამ ლაშხმა.