წარმატებული ბრიტანული კომპანია „PENSIGHT“-ი, რომელიც 2021 წლიდან გრიგოლ რობაქიძის სახელობის უნივერსიტეტის პარტნიორია, გრუნის სტუდენტებს სტაჟირებას სთავაზობს,- ამის შესახებ ინფორმაციას გრიგოლ რობაქიძის სახელობის უნივერსიტეტი ავრცელებს.
მათი ცნობით, ლონდონში დაფუძნებული სტარტაპკომპანიის მისიაა, შექმნას ინფრასტრუქტურა დამოუკიდებელი ონლაინ მასწავლებლებისთვის.
„Pensight-ი დაკავებულია დამოუკიდებელი ონლაინშემოქმედებით და ხელს უწყობს იუთუბერებს, პოდკასტერებს, მასწავლებლებს და ქოუჩებს, რომ განავითარონ ურთიერთობები მიმდევრებთან და საზოგადოებასთან.
კომპანია ასწავლის სტუდენტებს სამუშაოს საფუძვლებს, მიაწვდის რეგულარულ ინფორმაციას იმის შესახებ, თუ როგორ უნდა განვითარდეს ახალგაზრდა, ინვესტირებას განახორციელებს სტუდენტების სწავლებაში, მისცემს შესაძლებლობას, ნახონ, თუ როგორ მუშაობს მაღალტექნოლოგიური კომპანია შიგნიდან და გააცნობს შესაძლებლობების სპექტრს, რომელიც ხელმისაწვდომია ამ ინდუსტრიაში“, - ნათქვამია ინფორმაციაში.
