რუსეთის საგარეო საქმეთა მინისტრი სერგეი ლავროვი გეგმავს უხელმძღვანელოს გაერო-ს უშიშროების საბჭოს მაღალი დონის ღია დებატებს, რომელიც აპრილში გაიმართება. ამის შესახებ რუსეთის საგარეო საქმეთა სამინისტროს სპიკერმა მარია ზახაროვამ განაცხადა.

„რუსეთის პრეზიდენტობის კიდევ ერთი მნიშვნელოვანი მოვლენა იქნება მაღალი დონის ღია დებატები თემაზე „ეფექტური მულტილატერალიზმი გაეროს წესდების პრინციპების დაცვის გზით“. ამ შეხვედრას უხელმძღვანელებს რუსეთის საგარეო საქმეთა მინისტრი სერგეი ლავროვი“, - განაცხადა მან ბრიფინგზე.

რუსეთი გაეროს უშიშროების საბჭოს აპრილში თავმჯდომარეობს.