გრიგოლ რობაქიძის სახელობის უნივერსიტეტმა და საქართველოს ეკონომიკისა და მდგრადი განვითარების სამინისტროს, სსიპ კურორტების განვითარების სააგენტომ თანამშრომლობის მემორანდუმს ხელი მოაწერეს.

გრიგოლ რობაქიძის სახელობის უნივერსიტეტის ცნობით, მემორანდუმის მიზანია ერთობლივი ღონისძიებების განხორციელებით უნივერსიტეტის სტუდენტებისთვის სასწავლო პრაქტიკის ხარისხისა და საგანმანათლებლო შესაძლებლობების გაუმჯობესება.

„ამგვარი თანამშრომლობა განსაკუთრებით მნიშვნელოვანია ბიზნესისა და მართვის სკოლის ტურიზმის პროგრამის სტუდენტებისა და პროფესორებისათვის, რადგან აღნიშნული სააგენტოს მთავარი დანიშნულება სწორედ საკურორტო და ტურისტულად მიმზიდველი ადგილების განვითარება, კურორტებისა და საკურორტო ადგილების კომპლექსური განვითარების ხელშეწყობა, ტურისტული ადგილების, მათ შორის, კულტურული, ისტორიული, რეკრეაციული ან/და სხვა ადგილებისა და ობიექტების შესწავლა, ასევე, კურორტებსა და საკურორტო ადგილებზე მასობრივი სპორტისა და სპორტულ-გამაჯანსაღებელი ღონისძიებების ორგანიზების ხელშეწყობა და ამ მიზნით შესაბამის უწყებებთან თანამშრომლობაა“, - ნათქვამია გავრცელებულ ინფორმაციაში.