სამგორის რაიონში, მოქალაქის კუთვნილი წყალსადენის ქსელი ავარიულად დაზიანდა. ამის შესახებ ინფორმაციას „ჯორჯიან უოთერ ენდ ფაუერი“ ავრცელებს.

მათივე ინფორმაციით, აღნიშნულთან დაკავშირებით აუცილებელია წყალმომარაგების ქსელის დაცლა, რის გამოც 31 მარტს, 17:30 საათიდან, 1 აპრილის დილის 03:00 საათამდე, წყალმომარაგება შეეზღუდება:

„სამგორის რაიონი - ვარკეთილის III მასივს, კალოუბნის, თრიალეთის, საცხენისის, შუამთის, წნორის, წყლის, ელდარის, გახოკიძის, ჯავახეთის, გაბაშვილის, ლორთქიფანიძის, წულუკიძის, კაკლიანის, ბერიაშვილის, აეროდრომის 1-2 და 8-10 ქუჩას, კახეთის გზატკეცილის ნაწილს, რამიშვილი N38, სამგორის დასახლებას.

„ჯორჯიან უოთერ ენდ ფაუერი“ ბოდიშს უხდის მომხმარებლებს დისკომფორტისთვის.

წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით www.gwp.ge“, - ნათქვამია ინფორმაციაში.