შსს-ს ინფორმაციით, სასტუმრო „ამბასადორში“ ხანძრის ქრობის სამუშაოებზე 16 სახანძრო-სამაშველო ეკიპაჟი მუშაობს
შინაგან საქმეთა სამინისტროს საგანგებო სიტუაციების მართვის სამსახურის ინფორმაციით, სასტუმრო „ამბასადორში“ ხანძრის ქრობის სამუშაოებზე 16 სახანძრო-სამაშველო ეკიპაჟი მუშაობს.
უწყების ინფორმაციით, ცეცხლი 4-სართულიანი შენობის მესამე და მეოთხე სართულებზე გაჩნდა.
„თბილისში, სასტუმრო „ამბასადორში“ გაჩენილი ხანძარი ლოკალიზებულია. ადგილზე შინაგან საქმეთა სამინისტროს საგანგებო სიტუაციების მართვის სამსახურის 16 სახანძრო-სამაშველო ეკიპაჟი მუშაობს.
მეხანძრე-მაშველები ხანძრის შესახებ შეტყობინების მიღებისთანავე გამოცხადდნენ შემთხვევის ადგილზე და დაიწყეს ხანძრის ქრობის სამუშაოები.
პირველადი ინფორმაციით, ცეცხლი გაჩნდა 4-სართულიანი შენობის მესამე და მეოთხე სართულებზე.
ამ ეტაპზე ადგილზე რჩებიან მეხანძრე-მაშველები და მიმდინარეობს სალიკვიდაციო სამუშაოები.
ადგილზე ასევე მობილიზებული არიან საპატრულო პოლიციის და შინაგან საქმეთა სამინისტროს სხვადასხვა დანაყოფის თანამშრომლები, რომლებიც პერიმეტრს იცავენ”, - ნათქვამია ინფორმაციაში.
v-if="article.gallery" v-html="article.gallery"
