„ევროპის უნივერსიტეტში“ ევროპის საბჭოს საერთაშორისო ექსპერტის ლევან მესხორაძის საჯარო ლექცია გაიმართება
ხვალ, „ევროპის უნივერსიტეტში“ საჯარო ლექცია თემაზე - „ჰააგის სისხლის სამართლის საერთაშორისო სასამართლოს პასუხი რუსეთის მიერ საქართველოსა და უკრაინის წინააღმდეგ ჩადენილ საერთაშორისო დანაშაულებზე“ - გაიმართება.
ამის შესახებ ინფორმაციას „ევროპის უნივერსიტეტი“ ავრცელებს.
მათივე ცნობით, შეხვედრას ევროპის საბჭოს საერთაშორისო ექსპერტი, „ევროპის უნივერსიტეტის“ პროფესორი და სამართლის საბაკალავრო პროგრამის ხელმძღვანელი ლევან მესხორაძე გაუძღვება.
„ლექცია 12:30 საათზე „ევროპის უნივერსიტეტის“ იმიტირებულ სასამართლოს დარბაზში გაიმართება. დასწრება თავისუფალია“, - ნათქვამია გავრცელებულ ინფორმაციაში.
