რუსმა სამართალდამცავებმა რუსი სამხედრო ბლოგერის, ვლადლენ ტატარსკის მკვლელობაში ეჭვმიტანილი სანქტ-პეტერბურგის მკვიდრი, 1997 წელს დაბადებული დარია ტრეპოვა დააკავეს, - ინფორმაციას რუსული მედია ავრცელებს.

მათივე ინფორმაციით, გამოძიებას საფუძველი აქვს იფიქროს, რომ ტრეპოვამ კაფეში მიიტანა ყუთი თათარსკის ბიუსტით, რომელშიც ასაფეთქებელი მოწყობილობა იყო დამონტაჟებული.

ინფორმაცია ოფიციალურად, ჯერჯერობით, დადასტურებული არ არის.

შეგახსენებთ, გუშინ, სანქტ-პეტერბურგში, კაფეში მომხდარ აფეთქებას რუსი სამხედრო ბლოგერი, ვლადლენ ტატარსკი ემსხვერპლა.