პოლონეთმა უკრაინას „მიგ-29“ ტიპის რამდენიმე საბრძოლო თვითმფრინავი გადასცა, - ამის შესახებ პოლონეთის პრეზიდენტის აპარატის საერთაშორისო პოლიტიკის ბიუროს ხელმძღვანელმა მარკინ პრჟიდაჩმა ადგილობრივ მედიას განუცხადა.

„რამდენიმე „მიგ-29“ უკვე გაგზავნილია", - განაცხადა პრჟიდაჩმა.

უკრაინის ხელისუფლებამ არაერთხელ მოუწოდა მოკავშირეებს, თანამედროვე საბრძოლო თვითმფრინავები გადასცენ, რომლებსაც შეუძლიათ დაეხმარონ უკრაინას ცის დაცვასა და კონტრშეტევის განხორციელებაში. მარტში, პოლონეთის პრეზიდენტი ანჯეი დუდა უკრაინას „მიგ-29” ტიპის ოთხი თვითმფრინავის მიწოდებას დაჰპირდა. მოგვიანებით, სლოვაკეთმა გამოაცხადა, რომ უკრაინას „მიგ-29” ტიპის 13 თვითმფრინავს გადასცემს. აღსანიშნავია, რომ ქვეყანამ უკრაინას პირველი ოთხი ავიაგამანადგურებელი უკვე გადასცა.