უკრაინის აღმოსავლეთ სამხედრო სარდლობის ოფიციალური წარმომადგენელი, სერჰი ჩერევატი აცხადებს, რომ ბახმუტი უკრაინას ეკუთვნის და რუსული ძალები მისი დაკავებისგან ძალიან შორს არიან.

„ბახმუტი უკრაინულია, მათ არაფერი დაუპყრიათ და რბილად რომ ვთქვათ, ძალიან შორს არიან ამის გაკეთებისგან“, - განაცხადა სერჰი ჩერევატიმ Reuters-თან საუბარში.

შეგახსენებთ, მანამდე, რუსულმა კერძო სამხედრო დაჯგუფება „ვაგნერმა“ გაავრცელა ინფორმაცია, რომ ქალაქ ბახმუტის ადმინისტრაციის შენობის თავზე რუსული დროშა აღმართეს.