ბულგარეთის საპარლამენტო არჩევნებში რეფორმისტული კოალიცია ლიდერობს

ბულგარეთის საპარლამენტო არჩევნების პირველადი შედეგები ცნობილია. ხმების დათვლის შედეგად, რეფორმისტული კოალიცია ლიდერობს.

Euronews-ის ინფორმაციით, კოალიციამ, რომელსაც ქვეყნის ყოფილი პრემიერ-მინისტრი კირილ პეტკოვი ხელმძღვანელობს, ხმათა 25,6% მიიღო. მეორე ადგილზე ასევე, ექს-პრემიერის, ბოიკო ბორსოვის პარტია „გერბი“ გავიდა 24,8%-ით.

მედიის ინფორმაციით, არჩევნებს საბოლოო, ოფიციალური შედეგების გამოცხადებამდე შესაძლოა, რამდენიმე დღე გავიდეს. საპარლამენტო არჩევნები ბულგარეთში 2 აპრილს გაიმართა. ბოლო 2 წლის განმავლობაში ეს ქვეყანაში მეხუთე არჩევნებია.