უკრაინის პრეზიდენტის, ვოლოდიმირ ზელენსკის განცხადებით, უკრაინის ყველა დროებით ოკუპირებული ტერიტორია გათავისუფლდება და თუ რუსული ჯარები მას არ დატოვებენ, განადგურდებიან.

„კონკრეტულ საკითხებზე არ ვისაუბრებ, რადგან რუსეთის ფედერაციის ტერორისტებს არ მივცეთ საშუალება მოემზადონ ჩვენი მეთოდებისა და დეოკუპაციის ნაბიჯებისთვის. მაგრამ ჩვენ ამას გავაკეთებთ და მათ ეს უნდა იცოდნენ. ჯერ კიდევ აქვთ დრო იქიდან წავიდნენ, თორემ გავანადგურებთ“, - განაცხადა ზელენსკიმ ჩერნიგოვის ოლქის იაგოდნოეს დასახლებულ პუნქტში ვიზიტისას.

ამასთან, პრეზიდენტმა არ დააზუსტა, როდის იქნება უკრაინის შეიარაღებული ძალები მზად კონტრშეტევისთვის, მაგრამ განაცხადა, რომ უკრაინელები სამხედროები ემზადებიან ტერიტორიის დეოკუპაციისთვის.