ჯანდაცვის მინისტრის მოადგილე „რესპუბლიკური საავადმყოფოს“ მედპერსონალს შეხვდა
ჯანდაცვის მინისტრის მოადგილე, ილია ღუდუშაური და „რესპუბლიკური საავადმყოფოს“ დირექტორი, ზაზა ავალიანი კლინიკის მედპერსონალს შეხვდნენ.
სამუშაო შეხვედრაზე „რესპუბლიკურ საავადმყოფოსთან“ დაკავშირებული საკითხები განიხილეს, მათ შორის, ტექნიკურ და ინფრასტრუქტურული საკითხები.
შეგახსენებთ, რომ „რესპუბლიკური საავადმყოფოს“ მედიკოსები შენობის დემონტაჟს აპროტესტებენ. ისინი უნდობლობას უცხადებენ ჯანდაცვის სამინისტროს და აღნიშნავენ, რომ კლინიკა დემონტაჟს არ საჭიროებს. თავის მხრივ, ჯანდაცვის სამინისტროში განმარტავენ, რომ კლინიკა დემონტაჟს საჭიროებს, ხოლო, რაც შეეხება პერსონალს, აღნიშნავენ, რომ საავადმყოფოს პერსონალი არ დარჩება სამსახურისა და ანაზღაურების გარეშე.
