5 აპრილს, “ჯორჯიან უოთერ ენდ ფაუერი” ვაკის რაიონში, ნადირაძის ქუჩის სარეაბილიტაციო პროექტის ფარგლებში წყალმომარაგების ახალ ქსელზე გადაერთებით სამუშაოებს ჩაატარებს.

“ჯივიპის“ ცნობით, კომპანიის ტექნიკური ჯგუფები აუცილებელ გადაერთებით სამუშაოებს 5 აპრილს 21:00 საათზე დაიწყებენ და მთელი ღამის განმავლობაში ინტენსიურ რეჟიმში შეასრულებენ.

როგორც “ჯორჯიან უოთერ ენდ ფაუერში” აცხადებენ, სარეაბილიტაცო პროექტის შედეგად, ნადირაძისა და მიმდებარე ქუჩების აბონენტებს მომსახურების ხარისხი მნიშვნელოვნად გაუუმჯობესდებათ.

ახალ ქსელზე გადაერთებით სამუშაოებთან დაკავშირებით 5 აპრილს, საღამოს 21:00 საათიდან 6 აპრილის დილის 09:00 საათამდე წყალმომარაგება შეეზღუდება:

ვაკის რაიონი: წყნეთის გზატკეცილს, უნივერსიტეტის, ფხაკაძის, დოლიძის, საკანდელიძის, მარგიანის, თავხელიძის, მარიჯანის ქუჩებს, ქავთარაძის, ნუცუბიძის, ჟღენტის ქუჩების ნაწილს, ვაჟა-ფშაველას გამზირის, მე-3 და მე-7 კვარტლების ნაწილს, უჩანეიშვილის მე-2 შესახვევს და ჩიხს.

„ჯორჯიან უოთერ ენდ ფაუერი“ ბოდიშს უხდის მომხმარებლებს დისკომფორტისთვის.

წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით http://www.gwp.ge