ისრაელის პოლიციამ იერუსალიმში, ალ-აქსას მეჩეთში შეტაკებების შემდეგ 350-ზე მეტი ადამიანი დააკავა.

სამართალდამცავი უწყების ცნობით, დაკავებულთა შორის არიან ნიღბიანი პირები, ისევე როგორც ის პირები, რომლებიც ფეიერვერკებსა და ქვებს ისროდნენ.

ამასთან, ისრაელის პოლიციის ინფორმაციით, დაკავებულები არიან არეულობის მომწყობი ის ადამიანებიც, რომლებმაც დააზიანეს და შეურაცხყვეს მეჩეთი.

ცნობისთვის, ალ-აქსას მეჩეთი, რომელიც მუსლიმთა წმინდა ადგილია, იმ ადგილზეა აგებული, რომელსაც ებრაელები ტაძრის მთას უწოდებენ და იუდეველთათვის უწმინდეს ადგილს წარმოადგენს.