საქართველოს სახალხო დამცველი ლევან იოსელიანი „ვოლტის“ გაფიცულ კურიერებს შეხვდა და მათ შრომით უფლებებთან და დისკრიმინაციასთან დაკავშირებული პრობლემები განიხილა. ინფორმაციას ომბუდსმენის აპარატი ავრცელებს.

მათივე ცნობით, სახალხო დამცველის აპარატში წარმოდგენილი განცხადებების თანახმად, კურიერების ნაწილს კომპანია „ვოლტმა“ აპლიკაცია დაუბლოკა, რის გამოც ისინი მუშაობას ვეღარ აგრძელებენ, ნაწილმა კი კომპანიიდან გათავისუფლების შესახებ გამაფრთხილებელი მესიჯი მიიღო. უფლებების დარღვევის განმაპირობებელ გარემოებად კურიერები მათ მიერ კომპანიის მიმართ გამოხატულ პროტესტს ასახელებენ.

აპარატის ცნობით, სახალხო დამცველი აღნიშნული განცხადებების შესწავლას აგრძელებს და გადაწყვეტილებას უახლოეს მომავალში მიიღებს.