თბილისის საკრებულო საპატიო თბილისელის, ჟურნალისტისა და სპორტული კომენტატორის, ჯამლეტ ხუხაშვილის გარდაცვალების გამო, ღრმა მწუხარებას გამოთქვამს.

„ჯამლეტ ხუხაშვილმა უდიდესი წვლილი შეიტანა ქართული სპორტის განვითარებაში. ასევე ძალიან დიდია მისი დამსახურება ქართველ და ებრაელ ხალხთა მეგობრობის კიდევ უფრო გაღრმავებაში. ბატონი ჯამლეტი დააკლდება მთელ ქვეყანას, თითოეულ ჩვენგანს, სპორტულ საზოგადოებას. ვიზიარებთ ჯამლეტ ხუხაშვილის ოჯახის წევრების, ახლობლებისა და მეგობრების მწუხარებას,“ - აღნიშნულია სამძიმრის წერილში.