რელიგიის საკითხთა სახელმწიფო სააგენტო ქართველი ჟურნალისტის და სპორტული კომენტატორის, ჯამლეტ ხუხაშვილის გარდაცვალების გამო მწუხარებას გამოთქვამს.

„გარდაიცვალა ჯამლეტ ხუხაშვილი, ცნობილი ქართველი ჟურნალისტი და საზოგადო მოღვაწე, თბილისის საპატიო მოქალაქე, ღირსების ორდენის კავალერი, საქართველოს ებრაელთა მსოფლიო კონგრესის თანათავმჯდომარე, ადამიანი, რომელსაც ქართველი და ებრაელი ხალხის ურთიერთობათა განმტკიცებაში განსაკუთრებული წვლილი მიუძღვის. ის ჭეშმარიტად ორი ერის გამორჩეული შვილი იყო და ეს საპატიო წოდება სიცოცხლის ბოლომდე ღირსებით ატარა.

ჯამლეტ ხუხაშვილი რელიგიის სააგენტოს დიდი მეგობარი და გულშემატკივარი იყო. ვიზიარებთ ოჯახის, ჩვენი ებრაელი თანამემამულეების მწუხარებას,“ - აღნიშნულია სამძიმრის წერილში.