ირაკლი კობახიძე - შეხვედრა მქონდა სალომე ზურაბიშვილთან, ომის დაწყებიდან რამდენიმე დღის თავზე - ასეთი სიტყვებით დაიწყო: რა გინდათო, აგერ, ზელენსკი გმირია, თქვენ იყავით მასეო - სახტად დავრჩი

შეხვედრა მქონდა სალომე ზურაბიშვილთან, ომის დაწყებიდან რამდენიმე დღის თავზე - ასეთი სიტყვებით დაიწყო: რა გინდათო, აგერ, ზელენსკი გმირია, თქვენ იყავით მასეო, სახტად დავრჩი - ამის შესახებ "ქართული ოცნების" თავმჯდომარემ ირაკლი კობახიძემ განაცხადა.

კობახიძის თქმით, ახლა არ იტყვის, რა უპასუხა პრეზიდენტს, თუმცა სამომავლოდ საშუალება ექნება.

მისივე განცხადებით, სალომე ზურაბიშვილს შალა პაპუაშვილთან ერთად შეხვდა.

"მე მახსენდება შეხვედრა მქონდა სალომე ზურაბიშვილთან, ომის დაწყებიდან რამდენიმე დღის თავზე, იქნებოდა 28-27 თებერვალი, 24 -ში დაიწყო ომი. შარშანდელ პერიოდზე მაქვს საუბარი. შალვა პაპუაშვილთან ერთად მქონდა შეხვედრა სალომე ზურაბიშვილთან. ასეთი სიტყვებით დაიწყო შეხვედრა: რა გინდათო. გავიკვირვე მე. ჩვენ რა უნდა გვინდოდეს, თქვენ გვთხოვეთ შეხვედრა, მეთქი, ასეთი პასუხი დავუბრუნე - თქვენ გვითხარით, რა გინდათ - მეთქი. აგერ, ზელენსკი გმირია და თქვენ იყავით მასეო. თან მაშინ უკვე უმძიმესი სიტუაცია იყო უკრაინაში. რამდენიმე მხრიდან უტევდნენ უკრაინას. კიევში იყვნენ შესული. სახტად დავრჩი. ასეთ რაღაცას მეუბნება, რომ თქვენ იყავით მასეო, აგერ, ზელენსკი გმირიაო. ჩემ პასუხს არ ვიტყვი , რა ვუპასუხე. ალბათ, სამომავლოდ მექნება ამის საშუალება. დღეს არ ღირს ამაზე საუბარი, მაგრამ ეს არის დამოკიდებულება" , - განაცხადა კობახიძემ.

კითხვაზე, "პრეზიდენტმა მოგიწოდათ ომის დაწყებისკენ", კობახიძემ უპასუხა: "ეს იყო ციტირება , დანარჩენზე საზოგადოებამ იმსჯელოს".

მისი თქმით, საქართველოს, რომ "მეორე ფრონტის" შესახებ მოთხოვნა შეესრულებინა, შესაძლოა, ეს პოლიტიკოსებისთვის მომხიბვლელიც ყოფილიყო.

"ჩვენ რომ შეგვესრულებინა ვიღაცების მოთხოვნა, რასაც გვთხოვდნენ და საქართველოში მეორე ფრონტი გახსნილიყო, სუბიექტურად, ეს შეიძლება ყოფილიყო მომხიბვლელი ვიღაც პოლიტიკოსისთვის, წითელი ხალიჩები, გმირად გამოცხადება მსოფლიო მასშტაბით, "სიენენი", "ბიბისი", ყველა შენ გიძღვნის სტატიებს, ფოტოსესიები "ფეშენ" ჟურნალებში და ა,.შ", -დასძინა კობახიძემ.

კობახიძის თქმით, საქართველოს რომ "მეორე ფრონტი გაეხსნა, შესაძლოა, სუბიექტურად "მომგებიანიც ყოფილიყო" ხელისუფლების წარმომადგენლებისთვის, რადგან, "როგორც დღეს უკრაინის ხელისუფლების ლიდერები დადიან წითელ ხალიჩაზე, შედიან ამერიკის კონგრესში, დიდი ბრიტანეთის თემთა პალატაში, გაეროში, ყველგან, ევროკავშირში, ბრიუსელში, წითელ ხალიჩაზე შედიან ყველგან და მსოფლიო მასშტაბით არიან გმირებად გამოცხადებული, იგივე იქნებოდა ჩვენი ხელისუფლების ლიდერის შემთხვევაშიც".

"საქართველოს პრემიერი ივლიდა წითელ ხალიჩაზე, ჩვენც ვიქნებოდით ამ გმირთა კომფორტის შემადგენელი ნაწილი, მსოფლიო მასშტაბით გვექნებოდა ცნობადობა, გამოცხადებული ვიქნებოდით გმირებად, ვიღაცას ნობელის პრემია გადაეცემოდა, ასეთი რაღაც მოხდებოდა, რასაც ვხედავთ უკრაინის მაგალითზე", - დასძინა კობახიძემ "იმედის" ეთერში.

მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
ქართული პრესის მიმოხილვა 27.05.2024
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე